Cardiff City ta lamentá e fayesementu di Emiliano Sala

78
Fot emiliano: E ekipo di Cardiff City a emití un komunikado lamentando e fayesementu dje futbolista argentino Emiliano Sala, miéntras ku den mesun rosea nan ta manda kondolensia na famia dje delantero.
 

LONDON,  – E ekipo di Cardiff City a emití un komunikado lamentando e fayesementu dje  futbolista argentino Emiliano Sala, miéntras ku den mesun rosea nan ta manda kondolensia na famia dje delantero.

“Nos ta ofresé nos mas sinsero kondolensia pa loke ta e famia di Emiliano. Tantu e komo  David Ibbotson (piloto) lo ta semper den nos pensamentunan”, asina e ekipo e gales a duna di konosé den un komunikado emití riba nan página  wep.

Polis di Dorset (Inglatera) a konfirmá djabièrnè ku e kurpa haña den e avioneta den fondo dje kanal di Mancha ta pertenesé na  Sala.

Futbòl Franses lo bai rindi homenahe e fin di siman aki na e  futbolista argentino Emiliano Sala, porsierto di kua su kurpa a keda reskatá den e awanan dje  Kanal di Mancha, miéntras ku awe e ekipo di Nantes di kua ta e último ku e lo hunga pe, lo retirá e number “9” ku durante último tres temporadanan e tabata e máksimo goliadó di nan respektivamente. 

E Liga di Futbòl Profeshonal di  (LFP) a anunsiá djabièrnè ku nan lo bai  homenahiá e futbolista ku aplouso durante 1 minüt na kada partido  e wikènt aki, porsierto pa un hungadó ku a yega ku 20 aña den futbòl franses i ku a disputa 144 partido den promé divishon i anotá un total di 48 gol.

“Emiliano Sala tabata disfrutá di alegria i bida, hopi amabel i tabata karesé di humildat”, asina e  presidente di LFP, Nathalie Boy de la Tour, a duna di konosé den un komunikado.

 

Kiko a sosode

E delantero a despedí di su eks kompañeronan di Nantes despues di kombertí su mes den hungadó dje ekipo di Cardiff. Despues e la kue un buelo ku mester a hib’é Inglatera, pero e avion  disparsé for di radar serka di Alderney  riba Channel Islands.

E avion den kua e futbolista argentino tabata abordo di dje  segun tin entendé ya tabatin problema kaba ora e mester a lanta for di  Nantes rumbo pa Cardiff, esaki ta loke e propio hungadó a indiká na  su kompañeronan via di mensahenan di su telefon mobil.

Segun a keda revelá den e korant  “Ouest France”, algun di pasá, Sala a manda vários mensahe na su kompañero di Nantes, Nicolas Pallois, ku ta esun ku a hib’é aeropuerto, porsierto na unda e la indiká ku e avion a intentá di lanta tres a sinku biaha sin logra.