Hòmber heridá den tiroteo IJburg

88
víktima ta eks-futbolista Abdellaoui
AMSTERDAM—Un hòmber di 43 aña a keda heridá djárason anochi den Amsterdam IJburg segun outoridatnan polisial.

E ta for di peliger. E insidente a tuma lugá alrededor di 23:45 na Sliekerkade IJburg, un bario konstruí riba kasnan prefabriká den Oost. Polis a haña diferente melding di un tiroteo i un hòmber ku tabata benta riba kaya ta grita. El a keda heridá i a keda transport pa hospital. Segun testigunan di e tiroteo dos sospechoso a hui riba un skuter direkshon di sentro di siudat. Na e sitio polis a haña diferente huls. Polis ta hasiendo investigashon i ta yama testigunan pa mèldu. E víktima ta eks-futbolista Yassine Abdellaoui segun polis a konfirmá. Polis kier bisa solamente ku ta trata di un hòmber di 43 aña. Abdellaoui tabata hunga pa entre otro NAC i Willem II. A bini un fin na su karera despues di un kaso di labamentu di plaka den kua e tabata sospechoso pa largu tempu. E tabata un tempu den prisòn pero a keda apsolvé den korte di apelashon.