UTS ku 5 dia di pakete speshal

224
Sta Maria–  Den e enkuesta independiente ‘Best of the Best’ di korant Amigoe Express, den kua pueblo di Kòrsou libremente por a skohe ‘e mihónan’ di diferente, negoshi, empresa, restorant i muchu mas, UTS a ser skohé di forma indiskutibel ku gran mayoria di voto, komo e mihó proveedor di Telekomunikashon di Kòrsou pa di 5 aña konsekutivo. Segun UTS, esaki ta un logro ku ta yena staf i personal kompleto di UTS ku gran orguyo i gradisimentu.

UTS ta sigui menshona ku kada kliente, kada siudadano a husga pa su mes i pueblo di Kòrsou a papia un palabra kla. Nan ta keda number 1, basá riba bo eskoho, bo eksperiensha i bo apresio. UTS, “Nos kompania, nos empleadonan, no opstante ki sirkunstansia, lo keda sirbi nos klientenan ku plaser, dedikashon i amor. E logro aki, ta un empuhe pa nos kada unu sigui mehorá i duna e mihó di nos mes pa nos sigui desaroyá; un impulso pa sigui pa dilanti sirbiendo komunidat”.

Un PABIEN tambe UTS ta manda pa Nicole Maduro i tambe Tito Doran, koleganan di TeleCuraçao, kendenan respektivamente a ser skohé komo nr. 1 i nr. 2 den e kategoria ‘Best TV Host’. UTS ta sumamente orguyoso di nan. Sigui ku e bon trabou, sigui bria! Nan ta kla pa selebrá e logro aki huntu ku ABO ku ta kere den UTS. P’esei, pa selebrá e echo ku pa di 5 aña konsekutivo nos a keda skohé komo É nr. 1, nos ta ofresé 5 dia largu diferente specials, pues prepará! UTS ta kuminsá e selebrashon aki dunando ABO ku a skohe nan komo number 1, e oportunidat pa ABO skohe BO number 1 un biaha mas, pero e biaha aki relashoná ku nos gran Marcha di Karnaval. UTS ta pone ANG 10.000 disponibel p’e grupo ku haña mas tantu voto, skohé dor di pueblo di Kòrsou, esta ABO, komo e grupo di aña, patrosiná pa UTS. Abo ku vota tambe tin chèns di gana premio! Nos lo rifa un premio di ANG 2500 bou di tur persona ku a vota! Den e siman benidero nos lo anunsiá kon pa partisipá ku bo voto i tambe mas oferta i kampaña p’e temporada di karnaval.

Mas aleu, UTS ta konsiente di su ròl den nos komunidat i ta sinti e responsabilidat pa aportá den edifikashon di nos komunidat. P’esei, durante e siman benidero, nos ta ranka sali ku e kampaña ‘NO MAS BULLYING’ den kua nos ta pidi pueblo di Kòrsou pa yuda nos karga i bringa kontra di tur lokual por ser konsiderá komo ‘Bullying’. Awor mas ku nunka nos pais mester di union, komprenshon, rèspèt i solamente demostrashon di apresio i balor pa ku otro. UTS ta bisa BASTA na tur lokual ta destruí, krea desunion i kibra. Pues lanta para huntu ku UTS i abo tambe mustra ku ya #NoMas! Keda pendiente pa mas di e kampaña di informashon i konsientisashon aki. Keda pendiente di nan página di Facebook i wèpsait, p’abo keda na altura di tur e diferente kampañanan, ofertanan, gimmicks i hopi mas ku tin na kaminda, p’asina abo ku ta kliente por disfrutá i selebrá huntu ku nos.