Dosente suspendé pa wak porno den klas

511
dosente perverso deskubrí pa alumnonan
LOCHEM—Un dosente di Staring College na Lochem a keda suspendé pasobra e tabatin porno riba su kompiter durante lès.

Alumnonan a mira esaki pasobra el a pasa riba un proyektor. Un video di e insidente ku e alumnonan a traha ta sirkulá na skol segun un karta di gerensia na e mayornan. Un situashon bastante ferfelu segun gerensia. Pero nan ta tuma e insidente hopi na serio. Na un skol ku un ambiente sano esaki no ta kuadra. E alumnonan mes a alerta e dosente ora nan a mira kiko e tabata buska riba e kompiuter. Mésora el a paga esaki, pasobra e no tabata sa ku e kompiuter tabata konektá i proyektá riba muraya. Gerensia ta investigando e kaso. A pidi e dosente un deklarashon i tambe a papia ku e alumnonan. Mientras e investigashon ta kana e skol no ta hasi deklarashonnan kua kontenido.