Parti di Binnenhof será pa tas sospechoso

101
mester a sera Binnenhof pa posibel menasa
DEN HAAG—Edifisio di gabinete hulandes na Binnenhof Den Haag a keda será pa algun ora ayera mèrdia despues ku a haña un tas sospechoso na e sitio.

Polis a detené un hòmber ku tabata aktua sospechoso. Segun outoridatnan polisial e sospechoso lo a laga un tas atras riba tereno di Binnenhof. Un eksperto di eksplosivo a inspekshoná e tas pero no a haña nada sospechoso. Despues di un ora a hasi e edifisio liber. E hòmber lo a menasá tambe. Den edifisio di Tweede Kamer servisio di vigilansia a pidi trahadónan diferente biaha pa no para na e bentana. Na momentu di detenshon tabatin un reunion di konseho di minister. Alrededor di 13:30 a detené e hòmber den Binnenhof. Segun fuentenan na Binnenhof e hòmber a laga su tas atras i grita ku ta un atentado. Mésora a evakuá Binnenhof. Via e instalashon di zonido di edifisio di Tweede kamer a bisa tur hende pa kita for di bentananan.