Darrel Rimon Jr ta e Roadmanager nobo di ONE

121
E Roadmanager nobo di agrupashon musikal ONE Flavaz.

WILLEMSTAD,—-Farándula di Kòrsou ta keda ketu bai den notisia, Di informashon ku a drenta na nos mesa di redakshon ta bisa ku agrupashon musikal ONE Flavaz tin nan Roadmanager nobo i esaki ta Darrel Rimon Jr ku ta gerente di Curaçao Show bizz ku ta un página di Facebook hopi popular.

Tambe nos tin ku bisa ku Darrel no ta un deskonosí den nos farándula lokal, paso e ta move bon komo promotor tambe i e ta den e tin di maneho di Club Spoonz. Pues ta trata aki di un hóben ku por yuda e agrupashon musikal ariba menshoná den tur sintibo di palabra.

Esaki ta nifiká ku despues di temporada di Karnaval tur hende lo bai tende mucha mas tantu di agrupashon musikal ONE Flavaz, i por mira esaki nan den hopi kombinashon i òf aktividat nan ku ta bai tin den nos farándula.

Ku e presensia di Darrel Rimon Jr sigur hopi porta ta bai habri pa e banda ku tin na kabes e talentoso kantante kompositor areglista Dibo-D. No tin duda ku e informashon aki lo bai bira tópiko di kombersashon riba e dia di awe i sobra di dia nan ku ta bai drenta, paso nos ta na altura ku diferente organisashon musikal a yega di aserka Darrel pero na final e la skohe pa bai manehá agrupashon musikal ONE Flavaz, ‘E Mulina’, ta deseá Darrel Rimon Jr tur klase di éksito den ku reto nobo komo Roadmanager di agrupashon musikal ONE.