For di un banda ta bai lanta un banda nobo

263
Tene kuenta ku e warwarú aki.

WILLEMSTAD,—-Ora ku bo a kere ku den e siman di Festival di Tumba su di 49 edishon no tin nada ta pasando, awèl nos tin ku bisabu ku esaki no ta e kaso, paso ta masha hopi moveshon mes tin ta tumando lugá na e momentu nan aki den nos farándula lokal.

Di informashon ku a drenta na nos mesa di redakshon ta bisa ku tin un agrupashon musikal ta bai pèrdè 90% di su músiko nan. I e 90 % di músiko nan aki ta bai forma parti di un agrupashon musikal nobo ku ta bai mira lus di dis despues di temporada di Karnaval ta tras di lomba.

Tantu ayera i djaluna nos a para mira kon músiko nan di un agrupashon musikal ta para hari i asta brasa doño di e banda ku nan ta formando parti di dje te na e momentu aki,pero e doño di banda no sa ku loke nan ku ta pasando na e momentu nan aki ta simplemente parti di despedida for di su banda.

Nos tin informashon ku ya e músiko nan en kuestion a pasa palabra ku un gran músiko i huntu nan ta bai bandoná e banda ku nan ta formando parti di dje i asina pasa forma pari di e agrupashon musikal nobo ku den un futuro serkano ta bai hasi nan debut den nos farándula lokal. ‘E Mulina’, tin mas informashon rondó  di moveshon nan ku ta pendiente pa bai tuma lugá, abo mester djis perkurá pa bo tin bo Korant Vigilante tu e dia nan aki den bo man, paso ta masha hopi kos ta bai pasa den nos farándula lokal despues di temporada di Karnaval ta tras di lomba.