Grupo di Karnaval Carnival Republic Curaçao no ta den e aña aki

50
Otro aña nos ta bèk den kaya ku ta 23 di febrüari.

WILLEMSTAD,—-E aña aki e gerente di e grupo di Karnaval Carinval Repuplic Curaçao a disidí pa wanta un ratu pa ku nan partisipashon den marcha di Karnaval, esaki ta un desishon ku sin duda tin kurason di gerente di e grupo ariba menshoná basta kibra.

Paso ta trata aki di un persona ku tin nos fiesta Kultural di mas grandi duru pega na su links pa den. Pero manera ku nos tur ta na altura di dje ku nos ekonomia no ta stabil esaki a pone ku Giovanni Roozendal a pone e disishon ku nan no ta bai partisipá e aña aki mas den nos marcha di Karnaval ku ta dia 3 di mart próksimo, pero si su pensamentu ta pa tei otro aña den kaya, mirando ku nos ta bai selebrá 50 edishon den e era nobo di nos Karnaval.

Tambe ‘E Mulina’, ke bisa aserka ku no ta Giovanni i tampoko su grupo di Karnaval ku ta Carnival Republic Curaçao ta esun nan ku debe gerente di Orkesta Vega 10mil florin, pero  ta trata aki di un grupo di Karnaval ku Orkesta Vega a bai marcha kuné na aña 2017 pues di dos aña tras di lomba.

Paso nos a haña informashon ku Giovanni Roozendal a haña diferente yamada ku ta su persona debe agrupashon musikal Orkesta Vega 10mil florin, pues pa klarifiká tur kos no ta Giovanni Roozendal debe Orkesta Vega nada, su grupo a bai marcha ku Orkesta Vega aña pasa i e la kumpli ku tur kos manera ku e kontrakt ta stipulá.