Hóbennan basta rebelde despues di aktividat den Saliña

253
Vehíkulo kua ser kontrolá den Saliña.
Willemstad— Polis mester a aktua ku man fuerte den Saliña na final di un aktividat unda sigur un kantidat di hóben a forma parti di dje.

Djasabra den oranan di anochi a pidi asistensia di Polis den Saliña nèt despues ku un aktividat mester a terminá den e sentro nokturno Spoonz. Esaki tabata debí ku a haña informashon ku mester tin bringamentu formal entre algun hóben. Polisnan ku a yega rápidamente na e sitio a bin topa ku un aglomerashon pisa di hóbennan ku a kaba di Sali e aktividat.

Komportashon a laga hopi di deseá despues di e aktividat.

Mesora a ordená tur hende presentá pa bandoná e sitio. Pero esaki no bai sin niun akontesimentu unda un hóben kier a mustra polis ku e no ta bai niun kaminda. Polis a deliberá basta kuné pa nan final e la keda detené pa trata di stroba trabou di polis i no sigui nan órden. A bai warda kuné unda a bai atendé kuné riba su mal komportashon.