Hopi negoshashon tumando lugá den Curaçao Festival Center

170
Hopi maskarada ta bai kai despues di temporada di Karnaval.

WILLEMSTAD,—-E dos dia nan tras di lomba aki, tin hopi moveshon i negoshashon ta tumando lugá den Curaçao Festival Center. Mester bisa ku tur e dia nan aki músiko nan di diferente agrupashon musikal ta topa ku otro den e sitio ariba menshoná.

Nos tin ku bisa ku algun di e negoshashon nan a tuma lugá den nos bisindario. Nos a mira algun músiko popular den kombersashon ku un músiko grandi den nos farándula, e músiko en kuestion aki, algun siman tras di lomba a bandoná e agrupashon musikal ku e tabata forma parti di dje.

E mes un músiko aki tabata den kombersashon i alabes negoshashon ku algun músiko di un kaliber hopi haltu. ‘E Mulina’, a haña informashon ku e músiko en kuestion su plan ta pa despues di temporada di karnaval presentá su agrupashon musikal nobo den nos farándula.

Mas informashon ku nos tin ta bisa ku, tin un pelotero profeshonal ku ta para 100% tras di e músiko en kuestion pa e lanta su mes un agrupashon musikal. ‘E Mulina’, sin duda ta bai sigui vigilá e moveshon aki ku wowo nan di falki.