“Royale Kingdom Goes Rio” ta kla pa Zomer karnaval 2019

160
Esaki ta un di e trahe nan ku e nan ta bai kaya kuné den Zomer karnaval.

WILLEMSTAD,—-No ta na Kòrsou so tin preparashon pa ku temporada di karnaval. Na Hulanda tambe trabou nan ya a kuminsá pa loke ta trata Zomer Karnaval 2019. Di informashon ku a drenta direktamente for di tera friu, ta bisa ku e grupo di Karnaval “Royale Kingdom Goes Rio” ta kla pa ku e marcha di Zomer Karnaval 2019.

E grupo di Karnaval ariba menshoná tin komo diseño Rolenda Strijdhaftig & Jurswenn Bernardina
Kosedó Señora Muriël Strijdhaftig pa loke ta trata e parti musikal nan ta bai kaya ku e Rei di Kaya QUINCY AMACIA i  ku agrupashon musikal Cache Royalei tambe ta bai tin un artista invitá.

T’asina ku e grupo di karnaval Royale Kingdom tin 5 fabuloso trahe, es desir ku nos tin pa tur smak.  Dama Sensual jewel ‘Playsuit’, Jewel seductive Zwempak’ Spicy jewel ‘Sexy’. I  Kabayero Charming blu ‘General’ Blu adventure ‘Sexy’.

Tambe nan ta ofresé tur nos partisipantenan un Trato Royal. I pa e motibu aki e lugánan pa partisipá den Royale Kingdom ta limitá. Pa mas informashon por bèl  òf app na number di telefon 0031627500418 òf  Email: Royalekingdom2019@gmail.com.