8 febrüari nan ta partisipá Gobièrnu a laga desishon di Clift den man di Refineria di Kòrsou

195
Promé Minister Eugene Rhuggenaath, komo Minister Presidente i mandatario responsabel pa RdK, a instruí Gerensia di RdK pa enkaminá di forma aselerá, e proseso di buska un operador, pa garantisá kontinuashon di e refineria.
Willemstad,– Riba djabièrnè final di festival di Tumba gobièrnu di Kòrsou a tuma e desishon ku adaptashon den konstelashon di PMO di Refeneria di Kòrsou, no ta un desishon di Gobièrnu di Kòrsou, pero di Refineria di Kòrsou (RdK). Gerensia di Refineria di Kòrsou, ku e kompromiso pa sigui riba e trayekto pa haña un operador pa nos refineria, a opta pa reorganisá struktura di e tim (PMO) ku ta negoshá ku e diferente interesadonan i reforsá esaki ku liderasgo di tres persona, liderá pa direktor di RdK, sr. ʹChonkyʹ de Lannoy.

Gobièrnu ta bisa djabièrnè ku señor Clift Cristiaan, ku tabata na kabes di PMO, ta keda den su ròl di konsehero den tur aspekto ku RdK mester di dje i si mester di servisionan di señor Errol Cova, lo hasi uso di su ekspertisio ora ta nesesario, prinsipalmente riba temanan laboral.

Promé Minister Eugene Rhuggenaath, komo Minister Presidente i mandatario responsabel pa RdK, a instruí Gerensia di RdK pa enkaminá di forma aselerá, e proseso di buska un operador, pa garantisá kontinuashon di e refineria, dor di tene e kanalnan di komunikashon habrí pa tur kompania ku a ekspresá interes.