8 febrüari RdK ta anunsiá No ta ekskluí ku Clift Christiaan lo yuda ku asuntunan pa kua RdK ta responsabel

241
Señor Clift Christiaan lo no forma parti di e komishon aki. Gerente di RdK Sr. Marcelino de Lanooy, pa aworakí, lo ta e úniko miembro apuntá den e komishon aki miéntras lo apuntá e dos otro miembronan dentro di poko.
Willemstad,– Rriba e mesun djabièrnè gerensia di Refineria di Kòrsou (RdK) mesora ta partisipá na Hunta di Komisario, akshonista i sindikatonan den akshon su desishon pa reorganisá PMO.

Nan ta splika ku for di e mesun djabièrnè 8 di febrüari, e departamentu PMO den RdK, ku ta enkargá ku e tarea pa buska un operadó pa nos refineria despues di 2019, lo tin un struktura nobo.   E organisashon PMO ta keda enkabesá pa komishon chikí di tres persona. E komishon aki lo asistí na tur reunion ku tersero den kuadro di e búskeda pa un partner stratégiko pa modernisá, manehá i operá nos refineria despues ku e kontrakt aktual ku PDVSA vense na fin di 2019. Señor Clift Christiaan lo no forma parti di e komishon aki. Gerente di RdK Sr. Marcelino de Lannooy, pa aworakí, lo ta e úniko miembro apuntá den e komishon aki miéntras  lo apuntá e dos otro miembronan dentro di poko.

Nan ta sigui splika ku e komishon di tres aki, ku ta na kabes di PMO, lo keda sostené pa empleadonan di RdK kombiná ku ekspertonan ku RdK. Señor Errol Cova lo keda un di e ekspertonan i lo hasi bon uso di su ekspertisio.  Meskos lo sigui hasi uso di e konosementu i eksperensia di Sr. Clift Christiaan riba tur otro asuntu  pa kua RdK ta responsabel pe.

Na mes momentu RdK lo no deskartá i lo sondia tambe kandidatonan ku anteriormente tabata den e proseso i otro nan ku despues ku e proseso a sera a mustra interes.