A sali na kla e pakiko dje morto di Emiliano Sala

163
Fot Emiliano: Segun investigashon forense, Emiliano Sala, a fayesé pa leshonnan ku a la sufri na kabes i garganta, porsierto ku a produsí pa e impakto dje avion den laman.

PARIS,  – E  investigashon forense kende tabata okupá ku e kaso di Emiliano Sala, a informá ku e hungadó a fayesé pa leshonnan ku a la sufri na kabes i garganta, porsierto ku a produsí pa e  impakto.

E hefe dje ekipo forensiko a konfirmá ku e argentino ku kaba di firma ku ekipo di  Cardiff prosedente di Nantes, a fayesé despues dje kaida di e avion ku tabata transporte Inglatera.

E kurpa a keda haña den e avion den fondo dje kanal di Mancha na 67 meter bou di laman, na e parti nort dje isla di Guernsey, porsierto situá entre Inglatera i Fransia.

Un kusinchi di un di e stulnan tabata e promé pista pa haña e avion dera 67 meter bou di superfisie di laman, miéntras oranan mas lat a aparesé e di dos kusinchi i tambe otro parti di e stul segun a keda informá pa  Infobae, ku tabata esun enkargá ku e aksidente di aviashon sivil.

E spesialistanan a kompará i eksaminá e pruebanan konfiská ku algun portrèt di archivo di e avioneta i ku algun dato di e fabrikante di e avioneta, i nan a yega na e konklushon di 99% ku e ophetonan ta pertenesé na e avion ku a disparsé.

Te promé ku esei  haña e Avioneta tabata manera mishon imposibel, miéntras ku e zona di búskeda tabata enorme, ya ku e avioneta ta midi poko ménos di 9 meter di largura.

E datonan ku nan a rekompilá a permití restringí e lugá di búskeda i a determiná un zona limitá na unda e avion por a kai. Ocho dia despues den e boto priva  “Morver”- ku e famia di e futbolista a kontratá, a kuminsá biaha rumbo pa e lugá i a tarda solamente dos ora pa lokalisá e restunan metaliko durante e meinta di último djadumingu atraves di nan sistema.

Despues di tur esaki  a bin haña un kurpa sin bida den e avion ku a keda analisá e mesun dia, na unda a bin saka afó ku tabata trata dje futbolista. Miéntras ku e kurpa dje piloto ainda no a keda rekobrá.