Akshon ta kontinuá na SITEK

149
Maestronan teniendo man pa asina duna otro e forsa pa sigui lucha
Stenen Koraal- Ayera den oranan di anochi maestronan di skol a keda yama pa un reunion importante. Durante di e reunion aki e sindikato SITEK a bin ku un proposishon dilanti, kaminda  ku den wikènt nan mester a reuní ku CCVV “komishon sentral di sindikatonan” i CGOA “Centraal Georganiseerd Overleg in Ambtenarenzaken”.

Na momentu ku nan a reuní ku e maestronan di skol a bin dilanti pa nan por djòin CCVV ku ta e vakbond di e 5 sindikatonan mas grandi aki na Kòrsou. Ku esaki nan lo diskutí e posishon di SITEK, kaminda nan lo bin ku nan puntonan di bista. Despues di esaki lo manda esaki pa CGOA kaminda ku lo reuní ku e Minister di Maneho di gobernashon, planifikashon i servisio públiko (BPD)i akinan por pone kos konkreto riba papel ku e fechanan stipulá lo keda. Ku esaki ta nifiká ku e puntonan ku a bin dilanti nan lo keda pasa riba e fechanan stipulá.

Momentu ku a presentá esaki na e maestronan di skol a bin diferente preguntanan dilanti, tur a haña nan kontesta. Alfinal a tuma e desishon ku nan lo forma parti di CCVV i ku esaki ta e stap mas haltu ku awor si nan lo logra nan lucha. Pa  loke ta trata e akshon esaki ta kontinuá i ku tur maestro mester ta presentá awe mainta 8’or na SITEK.  Pa despues un grupo di miembronan di e sindikato sali pa reunion ku e Minister di BPD na Ser kaminda lo bai reuní pa un kontesta definitivo.