Avalancha di tera ta laga saldo di sinku morto na Perú

83
Dañonan ku a keda atras ku e kaida di áwaseru intenso den e Último dianan.

LIMA – E áwaseru intenso ku ta kai na e parti sùit di Pero a sa di provoká un kibrá di riu i avalanchanan di tera i lodo ku a sa di laga saldo di sinku morto den dos provinsia di e region di Arequipa.

E distrito di Aplao, provinsia di Castilla, a sufri kaida di un gran avalancha di lodo ku a laga saldo di tres persona morto, inkluyendo un hóben di apénas 16 aña di edat. Esaki su kurpa sin bida a keda rekuperá entre e restunan di su bibienda.

Un total di 30 bibienda a keda destruí pa e lodo i dañonan ta ekstendé te asta na Casquina, Caspani i La Barranca, segun a keda informá pa e konsehero provinsial Edy Medina na medionan di komunikashon di e pais.

Den mesun rosea, dos minero a pèrdè nan bida den e distrito di Rio Grande, na e provinsia di Caondesuyos, na momentu ku nan a keda pegá pa un avalancha na entrada di e mina Labor San Antonio.

E Sentro di Operashonnan di Emergensia Nashonal, a informá ku e sòldánan a yega na e sitio pa asina por apoyá den e tareanan di limpiesa den zonanan afektá pa e insidente.

E gobièrnu regional di Arequipa a bai ku tènt, bòternan di plèstik, hèrmènt, kolchon i kumindanan di promé nesesidat pa e poblashon damnifiká.

Igualmente, e empresa Provías a realisá e trabounan di limpiesa den algun sitio. Esaki pa asina logra kita lodo i barankanan di piedra ku ta stroba paso di e tráfiko den e zona.

E alkalde di Rio Grande, Pedro Huashuayo, a deklará na agensia estatal Andino ku e mashinnan pisá ku a keda solisitá i tambe e kombustibel na Defensa Sivil, pa asina por reskatá e kurpa di e mineronan ku a pèrdè nan bida.

Di su banda, e gobernadó regional di Arequipa, Elmer Cáceres, ta na Aplao for di djaweps último pa kordiná ku e alkalde provinsial, Raul Cáceres, pa yuda esnan damnifiká i den trabounan di limpiesa na vianan publiká i kareteranan alternativo.

Otro regionnan peruano, manera entre otro Tacna, Moquegua, Puno i Cusco, tambe ta sufriendo kaida di áwaseru intenso, aunke si normal den e temporada.