Club Spoonz sera 2 di mart pa renobashon i 20 di aprel e ta habri bou di nòmber nobo

112

1 di mart ta e último fiesta bou di e nòmber aktual

 

WILLEMSTAD,—-E informashon aki sin duda ta bai bira tópiko di kombersashon riba e djaluna aki i e sobra dia nan den e siman aki. T’asina ku di informashon ku a drenta na nos mesa di redakshon ta bisa ku e diskotèk number 1 den nos farándula lokal Clup Spoonz ta bai kambia di nòmber den un futuro hopi serkano.

Manera ku nos a haña e informashon mes ora nos a drenta den kontakto ku Archel Calister, i nos a bisé di e informashon ku nos ta disponé di dje. Na promé instante Archel a puntra ‘E Mulina’, kon bo a yega na e informashon aki, nos a bisé ku nunka nos ta relevá nos fuente nan.

Den mes un rosea ‘E Mulina’, a puntra Archel ku si di bèrdat den luna di aprel Club Spoonz ta bai kambia di nòmber i ku dia 1 di mart ta e último fiesta bou di e nòmber Club Spoonz i despues bo ta sera Spoonz pa asina hasi renobashon pa dia 20 di apel bo ta habri bèk bou di e nòmber nobo.

Nos ta na altura ku dia 1 di mart tin un mega Jump In kaminda ku lo bai tin agrupashon musikal ICONS BY GIO i e Rei nan di ambiente ku ta ERA. T’asina ku Archel a bisa nos lo siguiente “Serio mi no sa ta na unda bo ta saka bo informashon nan, pero ta bèrdat ku dia 2 di mart mi ta sera Club Spoonz pa un renobashon i dia 20 di aprel mi ta habri bèk bou di nòmber nobo, promé ku bo puntrami laga mi mes bisabu, ainda mi no tin un nòmber figo, na e momentu aki tin tres nòmber pone riba mesa, pero manera ku temporada di Karnaval ta tras di lomba ki ta bai konsentrá mas tantu riba e nòmber nobo pa Club Spoonz”.

E la konfirmá na nos ku Club Spoonz ta bai kambia di nòmber.