Dibo-D Rei di Tumba 2019 ku su agrupashon musikal ONE

267
Kòrsou ta den su Gloria ta bai zona den nos marcha di Karnaval.

WILLEMSTAD,—-Djasabra te den lat di mardugá Kòrsou a konosí su Rei di Tumba nobo Rei di Tumba number 22. T’asina ku for di djarason ya hopi hende tabatin tres faborito pa keda Korona komo Rei di Tumba, i esaki tabata Amos Balentin, Ray Lauffer i “Dibo-D” Doran.

Nos tin ku bis aki Dibo-D a partisipá pa di 11 biaha komo kantante kompositor, na dos okashon e la partisipá ku su mes un agrupashon musikal ku ta G.M.O. ku ta na aña 2009 i 2010. Na aña 2011 te ku aña 2017 e la partisipá ku agrupashon musikal GIO Fuertisimo kaminda ku e la sa di stèmpel su nòmber komo un kandidato fuerte pa bai ku e titulo.

“Dibo-D” Doran tin un rèkert impreshonante den festival di Tumba apesar ku e ta un hóben hopi yòn. Esaki ta e premio nan ku “Dibo-D” a logra for di 2011 te ku 2019. 2011 promé finalista, 2012 di dos finalista, 2013 di kuater finalista, 2014 di kuater finalista, 2015 promé finalista, 2016 promé finalista, 2017 promé finalista, 2018 di tres finalista i e aña aki e ta keda korona komo e Rei di Tumba number 22.

Mester bisa ku for di aña 2011 “Dibo-D” ta den lucha fuerte pa konkista e Korona. Kaminda ku kada aña  e ta bin aden ku su mes un komposishon. Un pabien ta bai pa tur e músiko nan di agrupashon musikal “ONE Flavaz” i tambe na nos Rei di Tumba Gilbert “Dibo-D” Doran Jr. Pa loke ta trata e resultado final esaki nan ta lo siguiente Dibo-D Rei di Tumba, Ray Lauffer promé finalista, Urvin “Luwi”Jano di dos finalista, Amos Balentin di tres finalista, Cuco Cruz kuater finalista, Michelangelo Martina di sinku finalista, Djuric Virginie di seis finalista, Rocco Franken di shete finalista, Roald Balentien di ocho finalista, Juni Juliet di nuebe finalista, Sherel Denisia di 10 finalista i Johnny Cornelia 11 finalista, esaki nan ta e 12 finalista nan festival di Tumba 2019.