E polako Marciniak lo dirigí partido entre Ajax i Real Madrid

69
Fot maria: Szymon Marciniak lo dirigí e enkuentro di Ajax-Real Madrid, korespondiente na e partido di Ida bálido pa oktavo final di Champions League awe djamars.

AMSTERDAM,  – Manera a keda konosí djaluna  e polako, Szymon Marciniak, a keda asigná pa dirigí e enkuentro di  AjaxReal Madrid, korespondiente na e partido di Ida bálido pa oktavo final di Champions League.

Marciniak lo bai tin komo asistente di videoarbitrahe (VAR) su kompatriotanan Pawel Gil i Pawel Raczkowski.

E wesnan di linea  lo ta Pawel Sokolnicki i Tomasz Listkiewicz,  miéntras ku e di kuater rèfri lo ta Tomasz Musial.

Nanse na Plock dia 1 di yüli na  1981 e internashonal for di  1 di yanüari 2011, ta e rèfri ku dia 15 ougùstùs último a dirigí e  Superkopa di Europa entre Real Madrid i Atlético  Madrid,  porsierto ku tabata un triunfo pa e plantel di Diego Simeone den e tempu di prolongashon ku skor di  4-2.

Di otro banda e enkuentro Tottenham-Borussia Dortmund ku ta tuma lugá djarason lo bai keda dirigí pa e valenciano Antonio Mateu Lahoz,  porsierto ku lo bai tin komo asistente na VAR di Juan Martínez Munuera i Alejandro Hernández Hernández.

E wesnan di linea lo bai ta Pau Cebrián Devís i Roberto del Palomar, miéntras ku e di kuater rèfri lo bai ta Xavier Estrada Fernández.