Kandela a destruí un vehíkulo por kompletu

Na Heintje Kool

129
Mester a habri kura bai paden pa asina por a atendé ku e vehíkulo ku tabata na kandela.
Willemstad— Bomberonan no por a hasi masha pa un vehíkulo ku den oranan di mardugá tabata na kandela den kura di un negoshi na Heintje Kool.

Djasabra den oranan di mardugá a pidi asistensia di pagadónan di kandela pa presentá ku urgensia na Heintje Kool pa un vehíkulo ku tabata na kandela.

Tur kos a bai pèrdí den e kandela.

Na yegada di e pagadónan di kandela na e sitio indiká a bin tuma nota ku ta trata di un vehíkulo ku tabata stashoná den kura di un negoshi lo tabata na kandela.

Ya na e momento ei kandela a poderá di e vehíkulo por kompletu. E bomberonan a paga loke ku ainda tabata na kandela. ta investigando awor ta kon bini e outo a bin sende na kandela.