Kompanianan eksterior ta bon pa 10.000 kupo di trabou èkstra

90
kompanianan ekterior ku invershon di 2,85 bion euro den Hulanda
AMSTERDAM—Den 2018 un kantidat di 372 kompania internashonal a muda pa Hulanda, ku ta 10.000 kupo di trabou èkstra pa Hulanda.

Esaki ta representá 2,85 bion euro na invershonnan segun sifranan di agensia di invershonnan internashonal hulandes (Netherlands Foreign Investment Agency NFIA). Pa loke ta trata kuponan di trabou esaki ta menos ku den 2017, ku tabata 25% mas ku den 2018. Ta dependé di kada kompania kuantu kupo di trabou nan ta ofresé, segun bosero di NFIA. Tin biah ata kompanianan ku mas trabou, otro biaha ku mas invershon. Un parti chikí di e kompanianan a bini Hulanda den 2018 pa motibu di salida di Inglatera for di Union Oropeo, brexit. Tabata trata di 42 kompania, ku a duna 1923 trabou, kasi 20% di e totalidat. Ta trata di entre otro e agensia di remedina oropeo EMA i e konsorsio hapones di elektronika Panasonic. Den 2017 tabata 18 kompania. Fin d i 2018 e kantidat di kompania ku a muda pa Hulanda pa motibu di brexit tabata 60 kompania, ku a trese 2500 kupo di trabou i un invershon di 310 mion euro. E pronostiko ta ku e trent ta sigui. Asina e kanal di televishon Discovery i buro di prensa Bloomberg a bisa ku nan tambe lo muda pa Hulanda. NFIA a informá luna pasa ku a papia ku 250 otro kompania ku ta konsiderá mudansa pa Hulanda. E chèns ku tru ta skohe pa Hulanda ta chikí pasobra tin hopi kompetensia di paisnan manera Alemania, Fransia i Irlanda.