Polisnan a logra di yega rápidamente na De Ruyterkade.
Willemstad—Polisnan a hera di detené un tipo ku tabata kibrando via di dak pa asina por a baha den un pakus pa hòrta.

Djadumingu den oranan di mainta trempan Polis a haña e informashon ku tin un hòmber ta trata pa kibra drenta den un pakus na altura di De Ruyterkade. Polisnan ku a yega a rondoná e aria pa asina por a trata di detené e sospechoso. A opta pa pidi yudansa serka e bomberonan pa asina por a usa nan trapi pa subi riba e dak. A logra di subi riba e dak unda a bin topa ku e buraku ku e ladron a traha pa asina por a baha den e pakus. Di e ladron mes no a bin topa nada pero si a bin haña dos tas ku kontenido ku a keda konfiská. A keda di buska kontakto ku doño di e negoshi pa asina por sak afó kiko tur e ladronnan a logra di bai kuné.