Nuebe morto i serka di mil bibienda afektá pa fuerte yobida

61
Fuerte áwaseru i inundashonnan registrá últimamente na e pais.

SANTIAGO DE CHILE – Den un konferensia di prensa ofresé den oranan di fin di siman e presidente di Chile, Sebastian Pinera, a presentá un balanse relashoná ku e emergensia ku a keda registrá pa e fuerte yobida den vários zonanan di e pais.

E mandatario a lamentá un total di nuebe morto i a anunsiá ku e prioridat di e pais i esaki su gobièrnu, ta di protehá bidanan humano.

Ademas, esaki a señalá ku te ainda ta eksistí un total di 820 bibienda ku dañonan menor, 78 ku dañonan mayor i 75 ku a keda destruí kompletamente pa e áwaseru.

Den materia di agrikultura, e a indiká ku ta eksistí hopi hèktar ku ta bou di awa i falta di alimentashon pa mas di 15 mil animal. Esaki mas aleu a deklará ku el a disidí di deklará e zona di e provinsia di El Loa, komo un zona di katástrofe.