Paul Scholes manager nobo di Oldham Athletic

162
Fot Paulo: Paul Scholes a keda presentá komo manager nobo dje ekipo di Oldham Athletic, porsierto ku ta un ekipo di kuater divishon den futbòl ingles.

MANCHESTER,  – Paul Scholes ya ta manager. Paul Scholes a keda presentá komo manager nobo  dje ekipo di Oldham Athletic, porsierto ku ta un ekipo di kuater divishon ingles.

E eks mediokampista di Manchester United  i e selekshon ingles a firma djaluna un kontrakt di 18 luna  ku ekipo di Oldham Athletic.

Scholes di 44  aña a krese na Oldham ku ta suidat chiki pafó di Manchester, aunke semper e tabata fanátiko dje ekipo di Manchester United.

Pa hasi e kontratashon ofisial  pa Oldham Athletic, Paul Scholes, mester a warda pa nan dun’é un pèrmit poko spesial, ya e  leyenda di Manchester United tambe ta poseé  10% den un ekipo dje di sinku kategoria den futbòl ingles ku Salford City.

Na Inglatera e sinku divishon ta keda goberná pa  National League,  miéntras  ku e di kuater divishon ta forma parti dje kategoria di English Football League.

No opstante tabata teme ku lo por a eksistí un problema den kompetensianan i inkompatibilidat den kaso ku  Salford City por subi pa di kuater divishon ingles, kos ku por sosodé e mesun temporada aki  mes ya ku nan ta den e promé puestonan den e di sinku kategoria.

Alfinal  e reglamentu lo permití Scholes sinti riba e banki “ The Latics”,  porsierto ku aktualmente ta okupá e djeskuater lugá pa loke ta e klasifikashon den e kategoria aki.