Ruman nan Quincy i Hyacinth Sintiago ta bai habri un restorant den WTC

148
Aki par di siman nan restorant nobo ta bai habri den WTC.
WILLEMSTAD,—-Ya ta konosí ku e restorant The Trader Party Service a bandoná WTC despues di 30 aña ku nan a perkurá pa duna un servisio bon den e sitio ariba menshoná. Esaki a pone ku hopi hende a kuminsá puntra  kua restorant lo bini na nan lugá.

For di siman pasa ‘E Mulina’, a haña informashon ku pa aki algun siman lo bai habri un restorant nobo den WTC. Pero dor ku tabata den e siman di Festival di Tumba a pone ku nos a wanta pa trese e informashon aki, paso nos sa ku e informashon aki ta bai bira tópiko di kombersashon.

Tasina ku di informashon ku a drenta na mesa di redakshon di ‘E Mulina’, ta bisa ku e ruman nan Quincy i Hyacinth Sintiago ta esun nan ku ta bai duna un toke otro na Food & Beverage den WTC ku variashon den kuminda i bibida, ku un kushina nashonal i internashonal pa loke ta trata e restorant i catering pa evento.

‘E Mulina’, a drenta den kontakto ku ámbos ruman nan Sintaigo pero sin resultado deseá, nos a komprendé ku ámbos ruman ta tabata den reunion ku a dura hopi largu esei ta e motibu ku nos no por a haña e dos ruman nan na telefon. Pero si nos a haña informashon for di un fuente ku pa aki par di siman e restorant nobo den WTC ta bai habri su porta nan.