Scorpions ta garantisá ku Van Gurp lo hunga pa nan den 2019

166
Scorpions tin 100% sigur ku van Gurp lo ta ku nan den temporada 2019 miéntras ku Wild Cats ta bisa ku e kos no ta kla ainda.
Willemstad,– Algun tempu pasa Vigilante a skibi ku Rawentley van Gurp ainda no a pasa ofisialmente di Wild Cats pa Scorpions, pero ayera nos a risibí e informashon ku e kambio di ekipo aki ta sigur.

Pues ku nada no por stroba pa Raywentley hunga pa Scorpions den 2019. Di parti di Wild Cats nos a komprondé algun dia pasa ku tin algu ku mester regla ainda, pero awor Vigilante a haña e informashon ku pa 100% e segunda base lo ta ku e ekipo manehá pa su tata. Pues no sa si a regla e kos kaba, òf ku e lo mester keda regla ainda, òf ku lo no regla nada. Di tur manera Scorpions ta bisa ku 100% e lo hunga pa nan i Wild Cats ta bisa ku e kos no ta regla ainda. Tempu lo bisa tur kos.