Don Serio Leon i Archel Calister na kabes di e diskotèk nobo

330
E ta un Dama fuerte para den su sapatu nan.
WILLEMSTAD,—-Awe nos ta habri e di dos dia di siman di Dia di Amor ku otro informashon rondó di Club Spoonz. Ya for di ayera nos a trese informashon ku Club Spoonz ta bai kambia di nòmber i tambe ku nan ta bai renobá e diskotèk ariba menshoná.

Pero awe nos tin otro informashon rondó di Club Spoonz, nos tin ku keda uza e nòmber Spoonz te na momentu ku e nòmber nobo bin dilanti. Nos tin informashon ku Archel Calister i Don Sergio Leon ta na kabes di Spoonz bou di e nòmber nobo ku den e di dos siman di aprel ta bai bira konosí.

Mas aleu nos a keda pone na altura ku Anaiz Visser ta bira direktor, pues esaki ta un tim di maneho kompletamente nobo den nan funshon. Nos a haña informashon ku ya Darrel Rimon Jr no ta forma parti mas di e tim di maneho di Club Spoonz ni tampoko e lo bai forma parti di e tim nobo bou di e nòmber nobo.

Mas informashon ku nos ta disponé di dje ta bisa ku Braien Wawoe i Curt tampoko no ta bai forma parti di e tim nobo bou di maneho di Don Serio Leon. Te kaminda ku nos a keda pone na altura ku e tin lo bai ta forma pa Don Serio Leon na kabes huntu ku Archel Calister i Anaiz Visser komo direktor. ‘E Mulina’, sin duda ta bai sigui kada stap di e moveshon aki ku wowo nan di falki.