Rei di Tumba 2019 Dibo-D halando bastante atenshon e dia nan aki

401
Den tur skina e ta aktivo e dia nan aki.
WILLEMSTAD,—-Djasabra mardugá Kòrsou a konosé su Rei di Tumba nobo den nòmber  di Gilbert “Dibo-D” Doran Jr, ku a keda Korona ku su mes un komposishon “Kòrsou ta den su Gloria” i Randal Corsen ta esun ku a areglá e Tumba pa “Dibo-D”., banda di esei e la keda kompaña pa su mes un agrupashon musikal ku ta “ONE”.

Loke ku ta halando bastante atenshon e dia nan aki ta e echo ku nos Rei di Tumba 2019 ta visibel tur parti di Kòrsou, tur esaki nan ta den kuadro di presentashon nan ku e ta dunando. Tambe nos tin informashon ku nos Rei di Tumba tin un lista hopi larga di sitio nan ku e ta bai presentá.

No ta un sekreto ku “Dibo-D” ta hopi popular i alabes hopi Stima pa grandi i chikí. I awor mas ku nunka ku  e la keda Korona komo rei di Tumba. Ayera mes ‘E Mulina’, a tuma nota ku “Dibo-D” for di den ora nan di mainta trempan ya a kumpli ku algun presentashon na diferente sitio. ‘E Mulina’, sigur ta bai sigui nos Rei di Tumba den e temporada di karnaval ku ta den kurpa aki, un konseho na nos Rei di Tumba ‘Kòrda bebe vitamina i mas importante kome bon i bebe hopi awa’. Paso e dia nan aki ta dia nan hopi largu pa bo.