Remy Joss ta keda Dolce Banda Si òf No ?

225
E mes a bisa ku e ta 100% den Dolce Banda.

WILLEMSTAD,—-E dia nan aki ta masha hopi rumor tin den kaya rondó di e popular kantante Remy Joss. ku si e ta keda forma parti di agrupashon musikal Dolce Banda Si òf No. E rumor nan aki ta asina fuerte den kaya ku tin hende ta asta pusta ku e kantante ta bai bandoná e formashon musikal ariba menshoná.

Manera ku e informashon aki a yega serka di ‘E Mulina’, mes ora nos a drenta den kontakto ku e kantante mes, paso no tin e mihó persona ku por bisabu e bèrdat di tur e rumor nan ku ta drei rondó di dje. T’asina ku manera ku nos a yama Remy Joss mes ora e la kue su telefon i den mes un rosea nos a bisé di e informashon ku nos ta disponé di dje.

T’asina ku Remy a bisa ‘E Mulina’, lo siguiente “ Ami no sa ta di unda e rumor nan aki a sali, mas ku klaru den tur kas tin nan pida, pida problema nan pero esaki nan no ta dje grandi ei ku ami ta bai bandoná mi Kas. Te na e momentu nan aki mi no tin plan pa bandoná Dolce Banda, mi ta sintimi 100% na Kas”. Na final nos tin ku bisa ku doño di kurpa mes a papia i nos ta wante te aki.