Tottenham tin un pia den kuartfinal despues di lastra Borussia den di dos mitar

174
Fot son: Son Heung-min (C) ta skor e promé gol pa ekipo di Tottenham Hotspur kontra di Borussia Dortmund. E koreano ta kayente ya ku den wikènt tambe e la skor un tremendo gol pa ekipo ingles.

 

LONDON,  – E ekipo di Tottenham a práktikamente a sigurá su pas’é pa kuartfinal kontra di Borussia Dortmund, porsierto ku a sa di wanta solamente 45 minüt den nan bishita den Wembley Stadium despues di kai vensí ku skor di 3-0.

 

Min Son ku den tres partido kontra dje plantel di e teamchef, Favre,  a skor na tres okashon, a bolbe skor pa habri e markadó nèt despues ku e di dos mitar a kuminsá, miéntras ku den rekta final dje partido e hungadónan

Vertonghen Llorente a amplia i sigurá e viktoria pa e manager,  Mauricio Pochettino.

 

Awor di otro banda e plantel aleman sa ku nan mester di práktikamente un milager pa bòltu e situashon na nan fabor den e partido di buèlta.

 

 

Kosnan Importante dje Partido:

Tottenham: Lloris; Aurier, Davinson Sánchez, Foyth, Alderweireld, Vertonghen; Sissoko (Wanyama, 90′), Winks, Eriksen; Son (Lamela, 90′) i Lucas Moura (Llorente, 84′).

Borussia Dortmund: Bürki; Achraf, Töprak, Zagadou (Schmelzer, 77′), Diallo; Witsel, Delaney; Sancho (Guerreiro, 88′), Dahoud, Pulisic (Larsen, 87′); Goetze.

Golnan: 1-0 M. 46 Son; 2-0 M. 83 Vertonghen; 3-0 M. 86 Llorente.

Rèfri: Mateu Lahoz (Spaña)

Insidensianan:  Partidonan  ku a tuma lugá Wembley Stadium dilanti di 71.214  fanátiko.  Enkuentro di Ida bálido pa oktavo  final di Champions League.