Carla Suárez a sufri pa ganá Kristina Mladenovic

58
Fot carla: E tenista spañó, Carla Suárez, a sufri pa derota e franses Kristina Mladenovic di kende a eliminá Naomi Osaka.

DUBAI,  – E spañó,  Carla Suárez, di kende ta finalista na 2015, a sufri pa derota e franses Kristina Mladenovic ku porsierto tabata esun ku a eliminá e hapones, Naomi Osaka, ku skor di  7-5 i 7-5, pa asina avansá pasá kuartfinal dje torneo di Dubai.

Carla tabatin ku salba seis punto den e promé parsial i rekuperá di un 5-1 i e sùrf di su rival, pa despues ganá seis wega konsekutivo i optené e promé set.

Mester apuntá ku den kuartfinal tambe a logra nan pas’é e siguiente hungadónan: E aleman Angelique Kerber despues derota e taiwanes Su-Wei Hsieh ku skor di  5-7, 6-4 i 6-0, e rumana Simona Halep despues di ganá e ukranes Lesia Tsurenko ku skor di  6-3 i 7-5, i tambe e cheka Petra Kvitova despues di imponé riba e estadounidense Jennifer Brady ku skor di  7-5, 1-6 i 6-3.