Ansary su último dia pa apelá veredikto pèrdí den korte

418
Punda—Hushang Ansary i Parman International, tin te ku awe pa entrega un apelashon kontra di nan promé tanda di kaso pèrdí den korte sivil, lokual ta rekardá e medida di emergensha imponé pa Banko Sentral, CBCS. Manera ta konosí, Parman i Ansary a entamá un proseso sivil den korte pa eliminá e medida di emergensha, vigente for di yüli 2018.

E sosten di korte na Kòrsou i New York ta basá riba e ponensha ku Ennia Caribe Leven no tin e kota di solvabilidat pa por kubri aseguradonan di bida serka Ennia Leven. Esaki ta un situashon ku tin aña nan andando, pero entre yüni 2017 pa novèmber 2017, durante kambio di maneho na Banko Sentral di Kòrsou, Parman International BV kende te akshonista mayó den Ennia Caribe Holding NV , a transferí aktivonan for di riba balansa di e konsorsio pa atkerí otro kompania anotá riba bolsa di balor na New York. Pero en realidat, nada no a kambia riba balansa finansiero di e kompania EC Investments i Ennia Caribe Leven. EC Investments ta e kompania intermediario ku Ennia Caribe Holding a uza pa transferí e aktivonan. Korte sivil mediante wes mr Veling, no tabatin niun kompashon pa lokual Parman Internashonal i Ennia Caribe Holding a súplika pa kanselá e medida di emergensha imponé na yüli di aña pasá.