Lágrimanan a sali for di esnan di partido MAN i unu tabata konsolá e otro. Steven Martina tabata hopi kerí serka su trahadónan i ta lógika ku su retiru a afektá nan.
Willemstad,– Por a tuma nota ku tabata reina bastante tristesa ayera na momentu ku èks minister Steven Martina tabata anunsiá su retiru.

Práktikamente tur trahadó di e ministerio di ekonomia (MEO) tabata presente den e rueda di prensa i hasta tabata duna aplouso na Steven Martina na momentu ku e tabata anunsiá ku ta ku hopi duelo na su kurason e mester a hasi e anunsio aki mirando ku aki ta papia di integridat. Hasta lágrimanan tabata sa,li ora e ku tabata konta ku el a bin ta traha na interes di Kòrsou i ku hasta tin pronóstiko kaba ku ekonomia lo krese den 2019.

Despues di e rueda di prensa, mester bisa ku diferente ta e trahadónan di eks minister Steven Martina ku a yora mes mirando ku señor Martina ta bandoná nan despues di tabatin un bunita laso di trabou i ku kos tabata bayendo bon den e ministerio.