Hòmber sospechá di a atraká turista arestá

501
Willemstad— For di den oranan di atardi Polisnan tabata buskando un vehíkulo kòrá di e marka Mitsubishi Lancer ku algun okupantenan den dje ku mester a kita pertinenshanan for di algun turista  bai kuné.

Den oranan di atardi a surgi un konfrontashon entre algun hòmber den un Mitsubishi Lancer i algun turista den un vehíkulo den aria di Sta Maria. E hòmbernan den e Mitsubishi Lancer mester a baha for di nan vehíkulo i a kuminsá tilda e turistanan di por poko a pone nan aksidenta. Durante di e  diskushon e tiponan mester a ranka pertinenshanan di e turistanan bai kuné. Mesora e turistanan a tuma kontakto ku polis na unda a entrega un denunsia di ladronisia ku violensia. Polisnan mesora a kuminsá ku un búskeda i tabata den aria di un restorant riba Rooseveltweg a señalá e vehíkulo ku un hòmber den dje. A logra di para e vehíkulo i mesora a detené e shofùr bai warda kuné pa asina por kontinuá ku e investigashon. E Vehíkulo tambe a keda konfiská.