Kaska di vehíkulo hòrtá hañá den mondi na Marchena

257
Willemstad— Un biaha mas Polis mester a bai den e aria di Marchena pa otro vehíkulo prosedente di ladronisia ku a ser laga atras despues di a kita mayoria piesa bai kuné.

Ayera den oranan di mainta polis a  hañá e informashon ku den e pida mondi na Marchena mester tin kaska di un outo ku a ser laga atras despues di a logra di kita mayoria piesa bai kuné. Polis a bai na e sitio indiká unda enbèrdat a bin topa ku un vehíkulo di e marka Kia Rio di bòltu riba su dak. A tuma nota ku a kita basta piesa for di e vehíkulo aki pa despues a bai lag’é atras. Polis a laga konfiská e vehíkulo bai warda kuné pa asina por a hasi e demas investigashon.