Minister Kenneth Gijsbertha ademas di e karta di finansa, awor lo okupá temporalmente tambe e kartera di ekonomia.
Willemstad,–  Minister di finansa temporalmente lo remplasá minister di Ekonomia Steven Martina i pues lo tuma e kartera over pa un temporada.Steven Martina mes a splika ayera ku mester wak kuantu tempu e investigashon ta bai dura, pa di e manera ei wak si ta bai buska un otro persona pa okupá e kartera di Ekonomia.

E tarea lo no ta fásil, mirando ku minister Gijsbertha tin un kartera pisá a kaba kual ta esun di enseñansa i segun Steven Martina mes a splika ayera, no ta fásil òf ta hopi difísil pa un persona karga responsabilidat pa e dos karteranan ei huntu pa un tempu largu. Martina no a deskartá e posibilidat di ku e lo por regresá komo minister na momentu ku e investigashon ta tras di lomba, pero entretantu el a bisa ku e ta hala un banda pa laga OM hasi su investigashon den tur trankilidat.