Retiro nan na RdK ta bai korte

457
Parera—Refineria di Kòrsou e dianan aki tin di skohe kaminda di korte pa logra algun solushon. Despues ku e kompania a inisiá un proseso sivil pa kita beslag imponé riba krudo den un barku, tin un kaso mas na kaminda. Ta trata e retiro di tres empleado dje kompania, inkluso eks direktor ehekutivo, Roderick van Kwartel.

E tres funshonario nan, kende ta Kinburn, Cijntje i van Kwartel, tabatin posibilidat di reakshoná riba un rapòrt ku Hunta di Komisario a ordená pa laga traha. E deadline pa entrega un reakshon tabata 1 di febrüari último. Esaki a tuma lugá, pero Hunta di Komisario di Refineria di Kòrsou a kometé 2 fayo serio. Na promé lugá, ningun di e 3 empleado nan no a risibí un rapòrt definitivo pa bai kas kuné unda nan por a deliberá esaki ku nan konsehero legal. I na di dos lugá, despues di a entrega e rapòrt na Hunta di Minister, kontenido di e rapòrt a bin lèk den medionan di komunikashon. Entretantu, a keda konfirmá ku tres eks empleado di RdK lo akudí na korte si no yega na un areglo satisfaktorio ku nan.