“Barber su meta ta pa hunga final”

181
Mark Muzo.
WILLEMSTAD—Tékniko di e ekipo di Centro Barber, Mark Muzo, kende ta den su promé temporada ku e ekipo, tambe a opiná riba e aktual temporada di futbòl FFK, pa loke ta promé divishon. Esaki na momentu ku tin un paro, pa motibu di marchanan di karnaval.

“E ekipo ta bayendo hopi bon. Nos ta mira kresementu i nos meta ta pa hunga final. Dus mi no ta skonde esaki, esei ta nos meta i esei nos ta trahando p’e.

Pa loke ta ekiponan ku sigur mester tene na kuenta i ta sigur nos kontrinkantenan direkto, ta e aktual number 1 i 2 riba standing (Scherpenheuvel i Centro Dominguitu), pasombra ta ei nan nos kier yega.

Riba e pregunta kua lo por ta e dos ekiponan finalista, personalmente mi ta haña sin ta partidario, komo fanátiko di bon futbòl, te ainda ta Skèrpènè i Centro Barber.

Esaki pa motibu ku Barber ta durf hunga i trata di dominá tur wega, sin tene kuenta kontra ken ta hungando.

Un kos ku si ta di lamentá, ta ku nos no ta hungando na S.D.K.

Pa motibu ku Barber su futbòl, lo por ta hopi mas mihó ku riba e tereno BAL S.U.B.T., unda e espasio ta mas chikí ku normal i esaki sigur ta hopi importante i ta hasi diferensia.

Barber su posibel kontrinkante den final lo ta Skèrpènè”, Mark Muzo a tèrminá bisando ayera.