“Ta Kenneth mester atendé ku Insel Air awó”

260
Punda—Segun minister Hensley Koeiman, awor ta minister Kenneth Gijsbertha tin di bai atendé ku e “batata kayente” di Insel Air. Esaki el a duna di konosé ayera na trapi di Palasio di Korte ayera durante un entrevista ku Vigilante.

Segun e minister awor ku Steven Martina no tei mas, manera a sali publiká Gijsbertha tei tuma enkargo di e kartera temporalmente. E minister a splika di ta hopi prekupá ku lokual a tuma lugá. E la mustra su solidaridat ku empleadonan di e kompania. Segun Koeiman, den Hunta di Minister a trata e problemátika di Insel Air debidamente.