Ilegalnan un biaha mas ta logra di hui for di barak

322

Entretantu  a logra di detené algun di nan

Willemstad— Den oranan di mainta trempan a bin tuma nota ku vários di ilegalnan ku ta sera den e parti di Barak un biaha mas a mira e oportunidat pa sali bai.

Ayera den oranan di mainta a bin bati e alarma ku  un kantidat di ilegalnan ku tabata sera den e parti di Barak wardando nan deportashon a mira e chèns pa hui bai.  A bin konstatá ku mayoria di e ilegalnan ta trata di Latino. A pone Polis tambe na altura i huntu ku e personal di Prizon a kuminsá ku un búskeda den e aria. Despues di un búskeda intenso a bin logra di detené no ménos ku sinku Latino. Tur a wòrdu hiba bek Pa Prizon pa einan por kuminsá ku e investigashon pa wak kiko a ser destruí  durante di nan huida. Por a komprondé ku ta 7 a logra di hui di kual sinku a ser detené. búskeda di e dos otronan ketu bai ta andando.