Muhé ta demandá presidente Trump pa akoso seksual

234
Eks trahadó di Trump, kende ademas ta esun ku a denunsi’é.
ESTADOS UNIDOS – Alva Johnson, un muhé afroamerikano di 43 aña i eks trahadó di un kampaña presidensial di Donald Trump, ta afirmá di tabata víktima di e kondukta seksual depredador di e mandatario estadounidense na aña 2016. Esaki aparentemente durante un evento elektoral na Florida.

E insidente aki lo a keda registrá dia 24 di ougùstùs di e aña ariba menshoná, poko despues di un presentashon di e kandidato presidensial republikano, na e momentu ei, den e siudat di Tampa. Johnson ta alegá ku Trump a sunchi e sin pèrmit na momentu ku nan a sali for di e sitio unda tabatin reunion ku un grupo di simpatisante.E aktual presidente a tuma Johnson di su man, aserká na su kara di manera ku e por a sinti su rosea. A añadí ademas ku e demandante a bira su kara den intento di evitá un sunchi fòrsá, pero ku e lepnan di Trump a hasi kontakto ku un pida di su boka.

E demanda ta menshoná ku vários persona a presensiá e insidente, entre nan e prokurador general di Florida, Pam Bondi, i e direktora di kampaña di Trump na e estado aki, Karen Giorno. na momentu ku nan a keda interogá relashoná ku esaki, ámbos a ninga di tabata testigu di e kondukta inapropiá aki.E demandante, ku na aña 2017 a kalifiká Trump komo un persona inkreibel, awor ta buska un kompensashon monetario pa e supuesto insidente di akoso seksual, meskos ku pa motibu ku el a eksperimentá un deskriminashon rasial i di género durante e kampaña elektoral.

Ta trata aki di e promé denunsia kontra Trump pa kondukta seksual inapropiá for di momentu ku e mandatario a hura su kargo, e úniko akusashon di tal komportashon durante di su kampaña. Sinembargo, serka di 24 muhé a sa di akusá e presidente pa insidente nan seksual anterior i a uni nan mes pa asina eksigí un investigashon relashoná ku esaki.