Amado Vilchez: 7 di maart minister mester bin bisa ki dia ta paga

142
Segun Amado Vilchez e úniko kos ku e ámtenarnan kier sa awor, ta ki dia ta paga i nan ta spera ku ta esei minister lo bin bisa nan dia 7 di maart próksimo.drenta, mesora e strategia ta wòrdu implementá.
Willemstad,– Señor Amado Vilchez vise presidente di sindikato SAP a splika ayera ku tabatin reunionnan di CCVV i CGOA. Señor Vilchez ta bisa ku sindikatonan ta spera minister Armin Konket djaweps awor 7 di maart pa e bin bisa ki dia ta bin paga.

El a splika ku dia 28 febrüari a kaba ku e voorlichting di gobièrnu i pues aki un siman lo mester bin ku desishon pa e ámtenarnan.

E vise presidente di SAP ta sigui bisa ku tabatin reunion den plataforma di CGOA kendenan lo a sinta ku e titular i e úniko kos ku a bini na punto ta, ki dia ta paga anto esei ta loke ku e sentensia di hues a pone. E sindikalista ta splika ku ta a base di esaki e representantenan kier a skucha ki dia ta paga.

Amado Vilchez ta bisa ku e reunion despues di basta skòrsing a bin sigui ku e plataforma CCVV ku representantenan di e sinku sindikatonan kendenan a duna e punto di bista di nan na gobièrnu i e punto ta ku mirando ku a bisa ku na fin di mart e ta paga ‘loontrede’, e rekomendashon di CCVV ta pa gobièrnu tuma tambe e tèrmino di pago, e pago di 3%, i e indexering.  Esaki ta e punto ku CCVV tin i gobièrnu na su turno a bisa ku nan ta bai raad van ministers djarason awor ku e sentensia di wes, kual a pone e ora ei ku sindikatonan a primi ku si ta djarason 6 di mart ta bai raad, e urgensha i tenshon ku tin den e aparato públiko, bo mester hèndel kuné pa asina bo por baha e tenshon i ku e konvikshon ei CCVV a hasi tur esfuerso pa akomodá e dos agèndanan. Vilchez a bisa ku CCVV ta para bon kla, ku esaki ta interes di tur trahadó den gobièrnu i lo sigui ku e CGOA ku a keda di skòrs i lo sigui dia 7 kual ta un dia despues ku gobièrnu sinta den raad van ministers i atendé ku e sentensia di wes.