Kenneth Gijsbertha: Gobièrnu kier tin un régimen di impuesto muchu mas fásil

139
Minister Gijsbertha ta splika ku tur loke ta keda importá, for di e momentu ei bo ta pone e kobransa riba dje ku ta drenta den kaha di gobièrnu dirèkt.
Willemstad,– E titular di Finansa i Ekonomia, señor Kenneth Gijsbertha a bisa ku tin un komishon ta trahando huntu ku ekspertonan kaminda otro siman e lo haña un presentashon pa loke ta e kambio di OB pa ABB.

E ta splika ku e punto ta ku no solamente kier revisá tur nos impuestonan, pero tambe pa bini ku sierto reformanan. Tin e pari di OB ku minister ta bisa ku kier kita esaki ku tur schakelnan i bai over na ABB kaminda ku for di trempan gobièrnu ta kobra e impuestonan,. E ta bisa di ta spera ku den 2 pa 3 luna tin esaki implementá.

Minister Gijsbertha ta splika ku tur loke ta keda importá, for di e momentu ei bo ta pone e kobransa riba dje ku ta drenta den kaha di gobièrnu dirèkt.

E ta bisa ku aworakí tin hopi kompania ku ta liber di impuesto na entrada i ku ta te ora ku nan bende e produkto nan ta paga e impuesto. E ta bisa ku loke tin aworakí ta un trabou inmenso tambe pa e bendedó i e pagadó. “E sistema di ABB lo ta mas fásil i gobièrnu ta haña su sèn mas sigur”, asina Gijsbertha a splika. E ta bisa ku mester wak e totalidat i no e budgetrneutralidat.

“E sistema aki lo ta muchu mas fásil pa kontrolá i muchu mas fásil tambe pa e kumpradó i e pagadó pa ku nan atministrashon”, segun Gijsbertha.

“ Gobièrnu kier tin un régimen di impuesto muchu mas fásil, segun minister di finansa señor Kenneth Gijsbertha a duna di konosé.