Hopi skout na Kòrsou ku bista riba nos preseptonan di 26 pa 29 di Aprel

149
E hóben Jadon Gosepa aki a destaká den tur liga i ta for di aña pasa tin bista riba dje, tin skoutnan ku lo bini spesial pa wak e hóben aki.
Willemstad,– Di 26 di aprel pa 29 di aprel Kòrsou lo bai konosé su weganan di playoff entre Liga Pariba i Liga Pabou den e kategoria di Senior League.

Di informashonnan ku Vigilante a risibí lo bai tin mas ku 10 skout di MLB na Kòrsou pa mira nos prospekto nan i hasta segun informashonnan risibí tin bista riba algu pelotero ku sigur e skoutnan aki lo kier mira den akshon.

Vigilante a bin tende di nòmbernan manera entre otro Jadon Gosepa, Roangeraud Fraai, Angel Vilchez, Mirojaycey Benita i Yizreel Burnet.

Ta trata aki di hungadónan ku tin potensial pa gana un firma i lógikamente nan lo mester demostrá den e weganan entre Pariba i Pabou ku ta bai tuma lugá di 26 pa 29 di aprel próksimo. Mirando ku beisbòl a bin ta desaroyá, mester bisa ku e weganan na Kòrsou a bira sumamente importante pa skoutnan i ta oportunidatnan tambe úniko pa nos hóbennan i nan futuro, mirando ku kontraktnan por keda firma pa nan bira profeshonal i ken sa un dia lo por mira nan den Liga Grandi.