5 wega pa reanudá kampionato vòlibòl

176
Akshon den volibol lokal.
WILLEMSTAD—E kampionato lokal di vòlibòl organisá pa FeVoKo, ku ta dediká na un di e baluartenan di e deporte, ‘Dito’ Ravenstein, ta reanudá djadumingu benidero. Esaki despues ku tabatin un paro, relashoná ku eventonan karnavalesko.

Miéntras tantu esakinan ta tras di lomba i entrante djadumingu awó, dia 10 mart 2019, e kompetensia pa loke ta temporada 2018/2019, lo kontinuá.

Un ke otro, na momentu ku tin 5 diferente enkuentro, programá pa tuma lugá. Esakinan lo hunga riba kancha den sala deportivo Errol Rooi, den Sentro Deportivo Kòrsou na Brievengat.

Lo bai tin 4 enkuentro femenino, repartí den 2 den kategoria klase A i 2 den Superior, miéntras ku e dia lo sera ku un partido bálido pa e kategoria maskulino superior.

Ta trata di e siguiente partidonan:

ORA           EKIPONAN                                                          KATEGORIA

16.00         Watakeli              vs      Hurricane                      Fem. Klase A 16.00          Stakamahachi     vs      Xaverianen                   Fem. Klase A

17.30         Stakamahachi     vs      Green Jewels                Fem. Superior

17.30         Shuatanari          vs      Watakeli                       Fem. Superior

19.00         Xaverianen          vs      Stakamahachi              Mask. Sup.