Diferente mucha di nos den preselekshon ‘Jong Oranje’

161
Tyrell Malacia.
HULANDA—E preselekshon di Jong Oranje, ku ta bou di direkshon di tékniko Erwin van de Looi, ta konta ku diferente di nos muchanan.

Ta trata aki di un preselekshon, ku ta konta ku un lista di 27 hungadó. Esaki den kuadro di e preparashonnan pa dos diferente wega amistoso ku e ekipo di Jong Oranje, lo mester hunga próksimamente.

Ta trata di weganan ku lo mira akshon e luna aki, unda ku riba fecha 24 mart benidero, nan lo topa Merka i seguidamente dia 26 mart 2019, enfrenta e ekipo di Egipto.

Ta e intenshon pa KNVB, publiká e lista definitivo di e selekshon Jong Oranje, otro siman djabièrnè, dia 15 mart 2019.

E preselekshon aki, ta konta ku entre otro defensanan Tyrell Malacia (Feyenoord), Armando Obispo (PSV), Giovanni Troupee (ADO Den Haag) i e atakantenan Tahith Chong (Manchester United) i Justin Kluivert (AS Roma). E último aki, inkluso ya a mira akshon pa e selekshon senior di Hulanda.