Manchester United pensando pa hür Tahith Chong

156
Tahith Chong.
INGLATERA—E futbolista Yu di Kòrsou, e hóben di apénas 19 aña di edat, Tahith Chong tin un siman tras di lomba, ku sigur lo e no por lubidá hamas.

Esaki despues di a debutá den Premier League i tambe den wega di Champions League, ku su ekipo Manchester United. Tur esaki despues ku tambe tabata na yanüari último ku e la debutá den FA Cup tambe.

Aktualmente tin rumornan insistente den prensa ingles, indikando ku Tahith Chong, lo por hunga den Eredivisie na Hulanda, durante di próksimo temporada.

Esaki na momentu ku despues di su tremendo desaroyo, dirigentenan di e ekipo ingles, ta pensando pa hür e YDK, pa asina e por hunga mas i sigui desaroyá su mes, den un kompetensia di nivel haltu.

Un ke otro unda ta pensando riba diferente posibel opshon, entre e kompetensia den eksterior, unda lo e por mira akshon regular, komo un hungadó básiko di un ekipo.

Miéntras tantu tambe tin diferente ekipo, ku ya a mustra interes pa por konta ku su servisionan. Ta hasi menshon sigur di ekiponan hulandes i aleman, unda Ajax lo ta unu di esakinan, segun un publikashon hasí ayera, indikando ku sigur no ta e promé biaha, ku e ekipo di Amsterdam ta mustrando su interesnan den Chong.