Patrick van Aanholt i Denzel Dumfries den preselekshon Hulanda

67
Patrick van Aanholt.
HULANDA—Tékniko di e selekshon nashonal di Hulanda, Ronald Koeman a anunsiá su 30 hungadónan ku a keda preselekshoná.

Ta trata aki di ekipo hulandes, ku lo mester ta den akshon próksimamente, enfrentando Rusia dia 21 i Alemania dia 24 mart próksimo.

 

Dia 21 mart próksimo, ta fecha ku lo inisiá ku e weganan klasifikatorio pa Kopa Oropeo di aña 2020. Riba e fecha aki, Hulanda lo hunga na kas den De Kuip, miéntras ku 4 dia despues nan lo ta den akshon riba tereno den Johan Cruijff Arena.

E futbolista YDK, Patrick van Aanholt, kende ta parti di e ekipo di Crystal Palace den Premier League di futbòl na Inglatera i e arubano Denzel Dumfries, miembro di PSV den Eredivisie di futbòl hulandes, ta parti di e lista di 30 hungadónan konvoká.

Ámbos ta hunga den liña defensivo di nan respektivo ekipo, komo lateral. Esaki unda Patrick ta riba ala robes i Denzel riba ala drechi.

Próksimamente lo anunsiá e selekshon definitivo.