Quenten Martinus a gradisí i despedí di nos selekshon

220
Quenten Martinus.
HAPON—E futbolista Quenten Martinus, kende tabata miembro di nos selekshon nashonal di futbòl, a gradisí di por tabata parti di esaki i mesora tambe despedí di nos ekipo nashonal.

Un ke otro, ofisialmente durante di e dia di ayera, despues ku djarason último a hasi publikashon di e lista di 37 hungadónan preselekshoná. Su nòmber tambe tabata parti di esaki, unda e la opta pa avisá pa no bai konta kuné.

Ofisialmente, unda e la publiká di su retiro, e no a duna su motibu ofisial, pero si Deporte Vigilante por hasi menshon, ku esaki ta debí na algun faktor.

Entre otro pa e ta ku nos ekipo e lo mester biaha bastante for di Hapon, pa por yega i tambe regresá, ku ta eksigí tambe bastante. Tambe e ta trahando duru pa por tin un puesto regular den su ekipo, kual tampoko no ta den su mihó inisio di temporada. Pues algun faktor importante, unda e futbolista a opta pa su futuro i a splika di ta orguyoso di por a hunga pa nos Bandera, unda inkluso e la logra pa anotá, deseando nos ekipo nashonal tur kos bon pa futuro i ku tambe por sigui konta ku su sosten i apoyo.

Quenten Martinus, kende ta hunga riba liña den parti ofensivo, tin 28 aña di edat i ta hunga bala na Hapon, den J. League, ku e ekipo di Urawa Red Diamonds.