Polis ta bai warda ku dos hòmber sospechá di a kaba di hòrta santu

637
Willemstad— Polisnan a haña nan ta drenta akshon rápidamente despues di a haña e informashon ku dos hòmber mester ta sakando santu pa bai kuné banda di e Stadion di Suffisant.

Ayera den oranan di mèrdia polisnan a haña e informashon ku riba e kaminda di Suffisant ku e dianan aki ta wòrdu rekonstruí nèt na altura di e stadion di Suffisant mester tin dos hòmber sakando santu ta yena den un vehíkulo. A splika asta e polisnan ku e dos hòmbernan aki sigur no ta pertenesé na e trahadónan di e kontratista ku ta drechando e karetera. A duna polis e deskripshon di e dos hòmbernan i tambe e number di e vehíkulo den kual nan tabata yenando santu. Polis a bai riba Suffisant pero no a bin topa ku e dos hòmbernan ni e vehíkulo. A sigui ku un búskeda i tabata den e bario di Suffisant mes a señalá e vehíkulo i mesora a para esaki. A hasi e dos hòmbernan algun pregunta pa despues di a listra nan a opta pa bai warda ku nan pa asina por a  finalisá e investigashon. A konfiská e outo tambe pa mas investigashon. Despues di interogashon e duo por a bai kas.